Ceremoniemeisters 2019

Leef Moezevangers en Moezevangerinnekes, 

Heej zeen vae dan, de ieërste jeugdceremoniemeisters van Vastelaovundj Vereneiging Moêzevângers. Daorum zeen vae kej trots om os veur te moge stelle: 


pixlr Sam en Julia

Ich bin ceremoniemeister Sam Gerits. Ich bin 13 jaor en ich woeën met mien pap en mien mam op Laor. Mien pap és Wil van Sjaak van Willem vanne Metser en mien overgroeëtoma waas dikke Cor. Mien mam és Natasja van Hennie van Geurts vanne Takkestraot 4 in Utrech .Ich heb 2 jaor geleje op IKC Laor gezaete in de klas van meester Albert. Now zit ich op de Philips van Horne. Ich bin neet allein thoês. Ich heb 15 vésse en ‘ne hoond Kyrka en det és ‘ne goje hoond. Ich doon gaer tenieël speule, turne, zînge en gek doon met vriendinne. Vastelaovundj zitj in mien blood, gek doon met dees daag doon ich gaer aan mej.

Ich bin ceremoniemeister Julia Garbarczyk. Ich bin 14 jaor en ich woeën met mien pap André en met mien mam Kamila aug op Laor. Ich heb ’n breurke Adriaan, dae zitj ouch beej de jeugdgroep van dit jaor en ’n zösterke Wictoria. ‘T és hieël gezellig thoês met nog ‘ne knieën, drej katte en ouch ‘ne goje hoond, zelfs ’n dael vésse en ‘ne peddemoeëk. Ik heb aafgelaupe jaor op IKC Laor gezaete beej Meester Albert en zit now op de Philips van Horne. Ich doon gaer kej gezellige dingen met vriendinne en doon gaer same vastelaovendj vere. Aafgelaupe jaor waas ich adjedant van Jeugdpreenses Hanneke I.

Dit jaor zulle vae veurop gaon als jeugdceremoniemeisters same met Moêsketiers Stef Zentjens, Hugo Cox en Adriaan Garbarczyk. Vae zulle met ederein inne zaal Beej Bertje of welke zaal dan aug, hieël Laor en ouch de mînse van de boetenîjje d’r ein groeët fieëst van gaon make.

En det doon vae met oze yell:

Dit jaor ésj anges  as normaal

Mer met os wördj ’t kei-j völ herrie en ‘ne dikke houp kebaal.

Laor ALAAF!!